Skip to main content

Forritan og vitlíki

Her kava vit í kotur saman við vitlíki.
Vit læra um grundleggjandi HTML og um hvussu vit kunnu brúka vitlíki til at skriva kotu fyri okkum.
Myndin á breddanum er gjørd við vitlíki

 

Typo3 with Snar Burger

Til læraran og næmingarnar

Lesið hetta saman

Við undirvísingargongdini læra tit eitt sindur um kotumálið HTML. Tit læra eisini at brúka vitlíki sum hjálparamboð til forritan (programmering). Endamálið við undirvísingini hesar næstu tímarnar er, at tit ogna tykkum bæði praktiskar royndir við kotu og læra at vera kritisk, tá ið tit samstarva ella kjatta við ein kjattbott. 

Vit fara at arbeiða í bólkum og einsæris, og hava samanumtøkur í flokkinum um tær ymsu uppgávurnar. Tit verða biðin um at leggja fram  og lurta eftir øðrum framløgum - og soleiðis læra av tí, sum hini eru komin fram til. 

Nógvir vitlíkisbottar eru á netinum, men her hava vit valt at brúka tann danska SkoleGPT hjá CFU. Les meira um SkoleGPT á myndini niðanfyri.

Lyklaorð í arbeiðinum eru:

  • Dupulttjekk: Svar frá vitlíki skulu altíð samanberast við keldur. Kotur skulu kannast á HTML pallum, áðrenn tær verða brúktar.
  • Kritisk hugsan: Vitlíki svarar alt fyri eitt, men tú noyðist at meta um, um tað hóskar til uppgávuna. Tað sum tú fært er eitt "best-guess! og ikki sannleiki.
  • Samstarv: Fortel, spyr og loys trupuleikar saman við øðrum. Tað styrkir læringina.

Brúkið hesa vegleiðing sum rammu um bólkaarbeiði, framløgur og reflekterandi samrøður, so tit kunnu gerast sjálvstøðug á netinum og ábyrgdarfullir vitlíkisbrúkarar. Harumframt kunnu tit menna tykkara teknisku førleikar og vitan um vitlíki og ymisk amboð, sum eru á netinum.

So er bara at kasta seg í tað! 

Um at arbeiða við vitlíki og kotum

Um tit hava hug at læra meira um at forrita, so er W3Schools eitt gott mið. Tey bjóða ókeypis uppgávur, vegleiðingar, floksinnritan og interaktivar uppgávur sum kunnu nýtast til at styrkja næmingarnar í HTML, CSS, JavaScript og øðrum kotum. Men hugsið tykkum væl um, tí við innritan verða næmingarnir skrásettir á útlendskum servarum, og alt, sum tey skriva í koturnar, kann verða misbrúkt.

Um ChatGPT, CoPilot, Bard og aðrar bottar

Danski botturin er kanska ikki líka snildur sum aðrir bottar á netinum, men trygdin er í lagi. Botturin er hent amboð at læra næmingarnar um hvat vitlíki er, hvussu tey skulu spyrja, hvat tey ikki skulu gera o.a. Tískil halda vit, at kjattbotturin hjá CFU er tann besta og tryggasta loysnin fyri næmingar í fólkaskúlanum. Vónandi fáa vit ein føroyskan bott inn skolegpt skjótt.

Um SkoleGPT

  • SkoleGPT er ætlað sum eitt trygt, pedagogiskt vitlíkistól, har næmingar kunnu royna og læra um generativ modell, uttan at dátur verða goymdar.
  • Danski botturin tosar sjálvandi bara danskt, og hóast hann skilir onnur mál, so sigur hann sjálvur: "Hvis du skriver på færøsk, kan jeg ikke garantere, at jeg vil forstå og kunne svare korrekt på dit spørgsmål."
  • Tit kunnu royna at prompta bottin, sum tykkum lystir (sí myndina niðanfyri), og kanna um svarini broytast.
  • Hóast ongar persónligar dátur verða goymdar, mælir CFU (Center for undervisning) tó til, at næmingar ikki deila viðkvæmar upplýsingar við kjattbottin

Við hesum kunnu tit tryggja eina áyrgdarfulla, trygga og læruríka nýtslu av SkoleGPT í hádeildini. Góða eydnu við arbeiðinum og læringini!

Undirvísingargongdir

Vit hava býtt undirvísingargongdirnar upp í tímar:

1. tími

2. tími

Amboð at brúka til hesa gongdina

Kanna koturnar

Amboð til undirvísing. Her kanst tú kanna HTML kotur - og tað er lætt. Kopiera kotuna, set hana inn og trýst á knøttin Vís kotuna.

Kom inn!

SkoleGPT

Her vitja vit SkoleGPT. Botturin er lagdur inn á hesa síðuna frá heimasíðuni chatgpt.dk. Tit kunnu antin vera her - ella vitja donsku síðuna.

Kom inn!

Hvat sigur SkoleGPT um seg sjálvan?